DahilSayo

1st Nais ko na malaman mo ikaw na nga aking napili

Bawat letra sa pangalan mo sa puso nanatili

Pinangako sa sarili na ikaw sasambahin

Di na ko lalayo sayo kahit ako ay sampalin

O kurutin o sabunutan kagatin o tadyakan

Sasaluhin lahat iyan basta't lagi kang nanjaan

Para ako'y pasayahin di ba jan ka propesyonal

Pagibig ko ay espesyal at hindi to artipisyal

Ika'y laging ipapasyal matira man sa pera bente

Para kang tatoo sa puso ko sapagkat permanente

Kang nandito hanggang sa kahit ikaw ay maging lola

Hindi to pagbibiro seryoso to di pambobola

Ang mensahe ng damdamin dinaan sa liriko

Hindii kita pwedeng iwanan para bang sarili ko

Di rin kita malilimutan magkaron man ng amnesia

Love pa rin kita turukan man puso ng anesthesia

2nd Ako ang syang napili mo kahit may pagkachoosy ka

Kaya ang buhay kong tahimik ay nagkamusika

Kaya para sayo pagibig na singlalim ng Pasipiko

Badtrip na ako pag di ka nagtetext sa CP ko

Sa PC ko panay litrato mong magaganda

Kasing ganda ng kalikasan tulad mo san mang banda

At ultimo ang may stiffneck sayo napapalingon

Ika'y naiintindihan kahit para kang jejemon

Mahal kase kita tanong ko lang mahal mo din kaya ko

Pipiliting ngumiti ka kahit magmukang payaso

At ako ay nagagalit pag ang gas nagmamahal

Pero ako'y sumasaya kapag ikaw nagmamahal

Sana'y malinaw na lahat sana'y maglaho ang malabo

Para ang istorya natin ay malabo ng maglaho

Kahit may nanggugulo mga tukso na laging tuso

Binura mo ang paniniwalang saging lang may puso

3rdIkaw ang dahilan kung bat nakalikha ako ng love song

Sana'y tanggapin mo to di man kasing lalim ni Bob Ong

Magkaron ka man bigla ng pagtingin sa iba

Basta't bigay mo ang karapatan kong mahalin kita

At minahal kita hindi ng dahil sa maganda ka

Bagkos para sakin maganda ka dahil mahal kita

Lahat sa buhay ko'y male lahat male at puro sala

Ngunit dumating ka na nagkaroon na rin ng tama

Aking buhay ay pinasok mo kaya ko lumakas

Titiyakin sayong pagpasok di na pwedeng lumabas

Pagmamahal ko sa iyo ihalintulad mo sa hangin

Di mo to kayang makita ngunit ramdam mo sa akin

Sinadya kong mahalin ka at sa puso ko'y taos

Pagibig ko'y may simula ngunit walang pagtatapos

Hinahangad ko pa ngayon lahat ng yong pagmamahal

Nang dahil sa iyo ang dyablo ay natutong magdasal